Sunday, October 19, 2014

Message in a Bottle - Nicholas Sparks

දසවන දිගහැරුම...

මුහුදට විසිකරනා කුඩා බෝතලයකට ඉනික්බිතිව අත්වන ඉරණම කුමක් විය හැකිද ? 

සප්ත මහා සාගරය තරණය කරනා එය මිහිමඬලේ එහා කොන සිටින්නෙකුගේ වුව නෙත ගැටිය හැක. 


පුවත්පත් තීරු ලිපි සම්පාදිකාවක ලෙස ගෙවනා වෙහෙසකර දිවියට මද විරාමයක් තැබීමේ අරමුණෙන් වෙරළ තීරයක් අභිමුවට පැමිණෙන වැන්දඹුවක වූ Theresa Osborne  හට දිනක් මුහුදු වෙරළෙහි අද්දරට වන්නට තිබී එවන් කුඩා බෝතලයක් හමුවෙයි.


එහි වූ රෝල් කරන ලද ලිපියක් දකිනා ඈ හට එය කියැවීමට සිත්වෙයි.


"සදාදරණිය කැතරින්,හැමදාම වාගේ නුබ නැති පාළුව අදත් මගේ සිත තදින් ම වෙළාගෙන...ඒත් අද මහ කටුක දවසක්...දුක් අදෝනාවක් වැනි මහා මුසල ස්වරයකින් කෑගහන මේ මුහුදු රළ අපේ ඒ ආදර කතාව මට ආයෙමත් කොඳුරා කියන්නට වගෙයි හදන්නේ..."


මෙසේ සොවින් බරව වදන් ගලපනා ඔහු එක් නිමේෂයකින්ම ඒ දුක් ගීතය කුඩා බෝතලයක සිර කොට මහා සාගරයෙහි පාකර යවනුයේ තමන්  හැරදා ගිය ඒ සොඳුරිය කැතරින් කෙරෙහි වූ කිසිදා නොමියෙනා ආලය පැවසීමට ඒ හැර වෙනත් කිසිදු ක්‍රමයක් ඔහු නොදත් නිසාවෙනි...


සිය  ස්වාමි පුරුෂයා කෙරෙහි  වූ අචල විශ්වාසය සිඳී බිඳී ගිය දා පටන් ආදරය නමින් හැදින්වෙන ඒ සොදුරු පහස අහිමිව කල් ගෙවූ  Theresa  උක්ත ලිපිය කියවීමත්  සමගින් ඇගේ සිත වේලාගන්නා ප්‍රශ්නාර්ථයෙන් කැළඹීමට පත් වෙයි...                       

ඔහු කවුරුන් ද??කොහේ සිටින්නෙක් ද ?? 

මේ අභිරහස අභියෝගයක් බවට පත් කරගන්නා ඈ ස්වකීය සිතුවිලි ධාරාවන් පවසනා මං සළකුණු  ඔස්සේ කිසිදිනෙක දැක නැති 'ඔහු' සොයා යාමට  තීරණය කරයි...

උන්ගේ හදවත් පෙර භවයක පටන් එකිනෙක බැඳී තිබුනා සේය...


එක්තරා දිනෙක හිරු එළියෙන් ඔපවත් වූ කුඩා වෙරළබඩ නගරයකට පැමිණෙන ඈ හට අහඹු ලෙස ඔහු හමුවෙයි...


ඔහුගේ අතීත මතක සටහන් සහ අසීමිත ලෙස ශක්තිමත් හෝ ඛේදජනක ලෙසින්  බිඳී යා හැකි හෝ සුන්දර ප්‍රේම කතාවක මතක පිටු අතරේ අතරමං වීමට, එහිම කොටස් කරුවන් වීමට පාඨකයන් වන අපට ඉනික්බිතිව  සිදුවෙයි.


4 comments:

  1. මේකෙ චිත්‍රපටියකුත් තියනවද කොහෙද මතක විදිහට..
    Nicholas Sparks ගෙ පොත් ගැන කියනවනං ආයි දෙපාරක් හිතන්න ඕන්නෑ අරගෙන කියවන්න...
    ජය

    ReplyDelete
    Replies
    1. ඔව්... ඒත් පොත කියවන විට මැවෙන චිත්ත රූප හා තරග කරන්නට චිත්‍රපටියට නොහැකියි...

      Delete
  2. Nicholas Spark ලිව්ව A walk to the remember කියවලා තියෙනවා.....ඒක නම් පට්ට ම පට්ට.....
    ලංකාවේ සුජීවලාගේ පොතක් ඒ තරම් රසවත් නෑ....

    ReplyDelete
    Replies
    1. මේවගේ පොත් සිංහලයට නැගුන හොත් සුජිවලාගේ සුසුම් පොදක් වත් සොයාගත නොහැකි වේවි...

      Delete